Яргуйтын багийн цогцолбор барилга ирэх сарын 1-нд ашиглалтад орно

0

Баян-Өндөр сумын Яргуйт багт орон нутгийн хоёр тэрбум 46 сая төгрөгийн өртгөөр Багийн цогцолбор барилгыг Хөх тавилан ХХК гүйцэтгэж байна. 2020 онд эхэлсэн уг бүтээн байгуулалтыг ирэх сарын 1-нд ашиглалтад оруулахаар зорьж байгаа юм.

Өнөөдрийн байдлаар гадна фасад, цонх суулгалт, дээврийн ажил бүрэн хийгдэж, дотор ханын шавардлагааны ажлыг гүйцэтгэж байна. Уг байр ашиглалтад орсноор төрийн үйлчилгээ иргэдэд ойртож, чанар хүртээмж сайжирна гэж үзэж байна.

Улсын хэмжээнд засаг захиргааны анхан шатны нэг нэгжид дунджаар 554 өрх, 1985 хүн ам ноогддог бол Орхон аймгийн нэг багт дунджаар 1150 өрх, 4200 хүн ам ноогдож байгаа нь улсын дунджаас 2.2 дахин их үзүүлэлт юм.

Мөн Эрдэнэ, Яргуйт, Цагаанчулуут багийн хүн амын тоо сүүлийн жилүүдэд нэмэгдэж 8000 орчим болсон учир эдгээр иргэдэд анхан шатны үйлчилгээг үзүүлэх багийн ажлын албаны албан хаагчдын чадваржуулах, ажиллах орчин нөхцлийг сайжруулах шаардлагатай гэж үзэн эхлүүлсэн Багийн цогцолбор барилгын бүтээн байгуулалт дуусах шатандаа орж байна. Тус барилгад өрхийн эмнэлэг, цагдаа, ахмадын өрөө, чийрэгжүүлэлтийн танхим үйл ажиллагаа явуулах юм.

0 0 санал
Мэдээг үнэлэх
guest
0 Сэтгэгдэл байна
Шугаман санал хүсэлт
Бүх сэтгэгдлийг үзэх
0
Таны санал бодлыг сонсмоор байна, тайлбараа бичнэ үү.x